Mga ospital sa probinsya ang napaidalom na sa code white alert sumugod subong nga adlaw tubtob sa Enero 2.
Nagakasayuran nga nakahanda ang manpower sang mga ospital sa probinsya sa pag responde sa ano man nga emergency situation.
Paathag ni Dr Mary Ann Maestral, ang Chief of Hospital sang Teresita Lopez Jalandoni Provincial Hospital sa Silay City naka alerto ang tanan, ehemplo diri ang mga surgeon ang on-call ukon on standby sa emergency room.
Kabahin na ini sa gina patuman sa kinaandan sa tion sang holidays.
Suno kay Maestral, indi lamang firecracker injuries ang masami kaso sa sin inga holidays.
Pila sa mga common cases nga mabaton sang ospital amo ang stroke, asthma attack nga masami gina tuga sang aso gikan sa mga palupok kag mga aksidente sa dalanon.
Panawagan nila, una nga mag kaon sang naga kaigo lamang ukon in moderation.
Bantayan ang mga kabataan labi na nga sila ang masami ang kadam-an sa kaso sang firecracker injuries. Kun naka inom mas maayo nga indi na mag drive.