Mga opisyales sang probinsya kasubong man mga alkalde kag iban pa gid nga stakeholders ang nag lagda sa ila nga pagpanumpa para sa pagpasiguro sang isa ka sustainable water resource.
Ang paglagda nila sa Pledge to Act for a Water Secure Future ang ginpatigayon sa ika duha nga Provincial Water Summit nga ginsakdag sang probinsya upod ang USAID.
Upod na diri ang ila nga pagsaad sang suporta kag pagpatuman sang integrated water security plan sang probinsya.
Suno kay Third District Representative Francisco Benitez ang commitment sang mga opisyales importante agudto ma manage ang access sa tubig lakip na ang pag gamit sini.
Suno kay Governor Lacson importante nga mapasiguro ang supply sang tubig labi na sa palaabuton.
Sa datus tatlo sa napulo ka mga Negrense ang wala sang access sa safe kag clean drinking water kasubong man sa ginakabig safely managed sanitation.
Ang population growth, urbanization kasubong man ang demand sang tubig gikan sa agrikultura ang naga apekto man sa supply sang tubig.
Ang pollution lakip na ang water borne diseases kag ang pagkaguba sang watershed naga palala sang sitwasyon.
Sa datus, ang Valladolid, San Enrique, Pulupandan kag Bacolod City ang mga LGU nga may completely deforested watershed na.
May napulo naman ka lgu nga diutay na lamang nga tinuig kag ma deforest na ukon least years before complete deforestation.
Ini ang naga lakip sang Escalante, Ilog, Binalbagan, Sagay, Cauayan, Isabela, Hinigaran, Kabankalan, Moises Padilla kag Manapla.
8 percent na lamang ang available sa ground water, gani kinahanglan suno man kay lacson ang pag utilize sang iban nga water sources kasubong sang surface water.
92 percent pa ang available para diri. Nag lagda man sang MOA ang probinsya sa PPP center agudto mahatagan sang technical assistance labi na kun may interesado nga maghatag sang bulig gikan sa pribado nga sektor.