Shadow

Mga opisyal sang BACIWA nagsapul sa kay Mayor Albee Benitez angut sa mga reklamo sang konsumedor

Photo from Albee Benitez FB page

Reklamo sang mga kunsomidor angut sa kolor ice tea kag kape nga tubig nga kag indi tayuyon nga water supply ang pila lang sa mga napadangat sa Citizen Water Watch nga ginpalab ot ni Mayor Albee Benitez sa pamunuan Baciwa sa ila nga pagsinapol sang Martes.

Sa Facebook page sang alkalde, iya ginsiling nga ginpahayag man sang mga opisyales sang Baciwa sa pagpanguna ni General Manager Mona Dia Jardin ang mga suhestyon agud masolusyunan ang problema sa tubig.

Nagpasalig ang Baciwa nga sa madasun nga tuig matinguhaan nga mapasiguro nga may nagakaigo na nga water supply sa siudad pinaagi man sa mga ginadihon karon nga proyekto kag kontrata upod sa Primewater.

Bwas liwat nga magasapol sila upod sa alkalde para maduso ang mga concrete solutions sa problema sa tubig.

Secured By miniOrangeSecured By miniOrange