Ginhaylo ang mga OFW nga taga Bacolod nga yari pa sa siudad kag indi pa makabalik sa luwas, nga magpadulong sa help desk agud mahatagan man sang bulig.
Ginsiling ni Mayor Greg Gasataya nga nakabaton man sila sang tawag nga may amo sini nga nga sahi sang concerns.
Suno sa iya mas maayo nga mag-inquire sila agud nga makahatag man ang siudad sang solusyon kon ano ang sarang sini nga maubra para sa ila.
Dugang man ni Atty. Mark Steven Mayo, City Administrator nga tanan nga mga concern nga nadangup sa amo nga talatapan ang pagahatagan sang siudad sang aksyon.
Nagdangat sa kapin 50 ka mga concerns ang nabaton sang amo nga help desk. Siling ni Gasataya kadam-an sini ang ginpatuhoy na sang siudad sa mga ahensya sang gobyerno.
Magapahibalo man ang siudad sang posible nga mga tikang kag bulig para sa mga OFW nga indi pa makabalik sa luwas.*
[sibwp_form id=1]