Elected city councilors nagsapol para sa pagbalasa sang committee chairmanship sa pagbalik sang session sa Hulyo.
Wala ginlipod ni incoming Vice-Mayor elect Claudio Puentevella nga nagsugod na ang ina-yu-anay may kaangtanan sa pagbalasa sang mga committee chairmanship nga pamunuan sang elected city councilors sang Bacolod.
Kaina nag patigayon sang closed-door meeting ang tanan nga elected officials para ma-istoryahan ang pagpili sang pamuno sang tagsa ka komitiba sang konseho.
Nagapasalig si Puentevella nga mangin matawhay ang pagpili sang mga committee chairmanship ilabi na nga mayorya sa ila ang magka-alyado sa idalom sang Asenso Bacolod.
Ginapaabot nga malab-ot ang consensus sa pagsinapol agud mapat-od na ang magapamuno sang mga komitiba sa bahin sang edukasyon, finance, law and ordinances kag iban pa sa pag-convene sang masunod nga session sang city council sa Hulyo.