Gina pasapasahan karon sa social media ang video sang isa ka ido nga nakit-an yara sa tunga sang dalan Lacson sa Bacolod City.
Suno kay Carlyn Joan Villarias, nga amo ang nagkuha sang video, samtang naga hulat sila nga mag green ukon mag go ang traffic light sa dalan Lacson sa bangga Ramos, las 7:40 kaina sang aga, nakita niya ang ido nga para sa iya kasubong nga naga sunod sa gina mando sang iya nga amo.
Madamo man ang naga hambal nga daw well trained ang ido, pero nabalaka siya sa safety sang ido kasubong man sang mga motorista.
Suno kay Spy Dekeling nga isa ka dog trainer, wala man nahibaluan ang motibo sang gina patihan amo, pero kun luyag gid man niya kuntani nga I-train ang iya ido, yara dapat sila sa kilid sang dalan.
Indi safe para sa ido bangud sang kadamo sang salakyan nga gina sugata kag indi man safe sa iban nga mga motorista nga indi manegar basi ma aksidente man sa pag likaw sa ido.
Wala man sang problema nga mag pabugal sang ido pero dapat mangin responsable agudto wala man sang may mabutang sa alang-alang.
Gani responsible pet ownership ang gina panawagan.
Mismo ang mga netizens ang nag pabutyag man sang ila nga kabalaka sa sitwasyon base sa mga comments.
Sa pahayag nga ginpa gwa sang BACH Project PH isa ka pagsupak sa RA 9482 ang pagtugot sang ido sa mga mga public nga lugar nga wala sang leash.
Ginsiling naman ni Bacolod Traffic Authority Deputy Jose Antonio Robello nga bangud man sang peligro indi nagakaangay nga may yara sang ido sa national highway.
Kun may yara gid man sang pormal nga reklamo angut diri pwede nila mapatuhoy sa City Veterinary Office.
Dugang pa ni Robello, wala naka helmet ang gina patihan amo sang ido nga isa man ka violation kasubong.
May obstruction violation man kun makilala ang amo nga driver sang motorsiklo suno sa BTAO.
As of press time wala pa sang may nakakilala sa natungdan nga persona.