Gina bulubanta nga yara sa 2,000 suno sa Bacolod City Police Office ang nag tambong sa “Trillion Peso March” sa Bacolod City.
Nagmartsa halin sa Capitol Lagoon kag sa Lupit church ang mga nag upod sa aksyon protesta gikan sa nagklain~lain nga sector.
Bitbit ang mga placard gina panawagan nila nga dapat may manabat sa natabo nga kinawatay sa kaban sang gobyerno.
Isa ka programa ang ginpatigayon sa plaza.
Sa speech ni anay Negros Occidental Governor Lito Coscolluela sang grupo nga TAMA NA kag isa sa mga nag-organisa sa protesta, nagpanawagan siya sa mga Negrense nga indi lang sa aksyon protesta dapat mangin aktibo ang mga ordinaryo nga pumuluyo.
Dapat mangin parte sang solusyon ang tanan parehos sang pagbantay sang mga iligal na istruktura nga ginapatukod sa mga creek nga gina halinan sang baha kag pagbantay kag pagsaway sa mga naga haboy sang basura bisan diin lang.
Pero dapat may mapreso na kag ibalik ang kinawatan nga kwarta.
Nangin malinong naman ang protesta sa Bacolod.
Masobra sa 2,000 ka mga pulis kag force multipliers ang ginpalapta sa bilog nga Negros Island Region para masiguro ang kalinong samtang ginapatigayon nga mga aksyon protesta.*
[sibwp_form id=1]