Nag pa gwa na sang advisory ang Provincial Health Office sa health facilites, mga ospital lakip na mga local government units nga hatagan sang priority ang mga kaso nga gina-refer nga makitaan sang sintoma sang Mpox.
Ini suno kay Dr Girlie Pinongan ang Provincial Health Officer, nga nagsiling nga kun ang mga kaso nga gina dala sa atensyon ang may kaangtanan sa mga lesions kag iban pa gid sintoma sang Mpox ini dapat ang gina prioritize.
Ini man ang mando gikan sa Regional Office sang Department of Health.
Ginasulit ni Pinongan nga ang Mpox nga gina tuga sang virus ang makuha paagi sa skin to skin contact, gani mas labing maayo kun likawan ang mga gaginutuok nga lugar kag mas maayo nga naga gamit sang face mask.
Balantayan ang pag sakit sang ulo, palanakit sa lawas, paghilanat, rash kag mga pangadlay.
Kun naga lain ang matyag mas maayo nga mag isolate.
Sini lamang may gina monitor nga isa ka tuig nga bata nga may skin rash gikan sa Pontevedra.
Magluwas sa skin rash wala naman naga santo sa Mpox ang iban nga sintoma sang bata pero ini ang ila nga gina-usisa.
May isa pa gid sila nga gina monitor nga bus driver nga na admit sa ospital sa Tabugon sa Kabankalan.
Pero indi man santo sa Mpox ang sintoma. Pero kaangay sa kaso sang bata, ini sa gihapon ang ila nga gina usisa.
“Kun pwede kun makita nila nga may lesions tagaan nila priority no especially nga naga point man ang symptoms sa Mpox. Amo man na ang order sang aton regional office sa NIR. It’s because it’s close contact, skin to skin contact ang aton lang gid ya if ever may mga amo na, ang concern karons ang kalabanan, damo fiesta, damo tawo, siempre wala ta kabalo kun sin-o may mga sintoma”, suno kay Pinongan.