Ginapaabot nga sini nga semana masugdan ang payout sa idalom sang Emergency Cash Transfer sang Department of Social Welfare and Development para sa mga nagub-an sang balay sang Bagyo Tino.
Suno kay Hinigaran Mayor Mary Grace Arceo naka pakig-angut na sa ila nga LGU ang DSWD – NIR. Sila ang maga pioneer sa 3rd tranche sang tagtaganay para sa ECT sang DSWD sa 14 tanan ka mga LGU suno sa iya.
Nagalaum si Arceo nga mahuman nila ang releasing sa sulod sang duha ka adlaw. May gina finalize na lamang ang DSWD suno sa iya as of press time.
May masobra sa 3,000 ang yara sa ila nga listahan sang mga may totally damaged nga balay kag masobra naman sa 19,000 ang partially damaged nga balay.
Indi magnubo sa P10,000 ang batunon nga cash assistance sang mga may totally damaged nga balay, kag indi mag nubo naman sa P5,000 ang para sa may partially damaged nga mga balay.
Samtang, ginsiling naman ni Remuel Lajo, ang PIO sang La Castellana nga naka schedule ang tagtaganay sang bulig sa banwa sa Lunes.
Sa post ni 5th District Rep Dino Yulo, gina abisuhan ang mga apektado nga ihanda na ang mga requirements kag hulaton ang schedule sang tagsa ka LGU para sa amo nga payout.
“As of the moment wala pa kami naka posting gid sang mga designated barangays, designated venues kay tungod nga gina hulat pa man namon ang ila nga confirmation gid, kun okay na for tomorrow kag kun pila ka barangay ang ma cater bwas sa cash nga dal-on nila”, suno kay Arceo.*
[sibwp_form id=1]