Mga nagpositibo sa random drug testing sa BTAO ang tagaan tsansa nga makabalik sa serbisyo.
Wala gihapon madugangan ang personnel sang Bacolod Traffic Authority Office kag Public Order and Safety Office matapos 53 sa ila ang nagpositibo sa random drug test.
May 39 sa ila ang napaidalom na sa drug rehabilitation program.
Suno kay BTAO head Patrick Lacson handa siya nga tagaan sang liwat nga kahigayunan ang mga personnel nga naka-recover na sa impluwensya sang iligal nga droga samtang wala pa sang dugang nga personnel.
Samtang, karon nga masako naman ang towing kag clamping operation sang siudad, ginatun-an ni Lacson ang pagdugang sang towing service kag tow trucks.
Sa record sang BTAO naglab-ot na sa 492 ka mga salakyan kag motorsiko ang na-tow kag na-clamp humalin sang ginpatuman ang citywide towing kag clamping operation sa mga no parking areas sang siudad.