Shadow

Mga nagpabalibad mag upod sa contact tracing team ginpa blotter

Gin pa blotter na sang barangay ang pila ka mga indibidwal sa Barangay Cabug kag Mandalagan nga nagpamalibad mag upod sa extraction kag contact tracing team sang ginpang sugat ang mga ini sa ila nga mga balay.

Ini matapos matukiban nga close contact sila sang pasyente nga nag positibo sa Covid 19.

Suno kay Ernie Pineda,pamuno sang extraction team, kadam an sa napulo tanan ka mga indibidwal nga ginpa blotter ang nagapamilit nga magpaidalom sa home quarantine.

Siling ni Dr. Chris Sorongon, deputy for medical data and analysis sang Bacolod Emergency Operation Center, magluwas sa Cabug kag Mandalagan may pila pa ka mga persona ang nagalikaw magpa quarantine sa pasilidad sang siudad.

Pero dapat tandaan nga may mga pagsulundan antes sarang tugutan ang pagpaidalom sa home quarantine ang isa ka persona. Sarang naman mapasakaan sang kaso ang nagasupak sang layi angut sa mandatory reporting of notifiable diseases and health events of public concern act.

Kooperasyon ang ginahinyo karon sang siudad sa pumuluyo ilabi na nga naga average sa three digit ang active cases sang siudad kada adlaw. Ang Bacolod ang isa man sa mga siudad nga natalupangdan sang OCTA Reasearch Group nga nag hinali nga pagsaka sang kaso sang Covid-19

Magluwas sa hugot nga pagpatuman sang executive order sang alkalde angut sa curfew,liqour ban kag minimum health standard protocol, nagapadayon man karon ang Covid-19 mass vaccination sang siudad sa mall.

Sa Lunes, natalana maga balik ang pagpang bakuna para sa Covid-19 sa mga kabarangayan para sa a1 tubtob A3 category nalakip diri mga medical frontliner, senior citizens kag may mga may co-morbidities.

Leave a Reply

Your email address will not be published. Required fields are marked *

Secured By miniOrangeSecured By miniOrange