Booster dose vaccination sa Bacolod nagapabilin sa masobra 15 percent sang target population humalin sang nagsugod ang election campaign period.
Humalin sang nagligad nga bulan pa nga ginsugdan sang Emergency Operations Center ang second booster shot para sa mga immuno-compromised.
Pero nagapabilin sa gihapon sa masobra 15 percent sang target population ang nakapa-booster sandig sa record sang EOC.
Suno kay Dr. Edwin Miraflor, OIC sang City Health Office, mas naghinay kag nagnubo ang kadamuon sang mga nagapabakuna sang nagsugod ang masako nga election campaign period.
Ginahulat na lamang karon sang opisyal sang EOC nga masugdan na sang Department of Health ang pagbakuna para sa second cycle sang booster dose agud mabuhinan man ang kadamuon sang Covid-19 vaccines sa cold storage facility sang siudad. Ilabi na diri ang mga near expiry nga supply sang bakuna.