Ginkilala kag ginhatagan sang incentives ang mga atleta sang probinsya nga nag daog sa Western Visayas Regional Athletics Association Meet.
1,500 pesos nga cash incentive ang ginhatag sa mga nag daog sang gold medal, 1,000 pesos naman sa silver kag 700 sa bronze. Sa kabilugan may 1.5 million pesos nga balor sang cash incentives ang gin-release sang probinsya sa mga medalist nga nag tiglawas sang Negros Occidental.
Pag panghangkat ni Governor Eugenio Jose Lacson sa ila amo nga dapat mag contribute sila sa mga makuha sang medalya sang Region 6 sa ginapaabot nga Palarong Pambansa sa Cebu. Mabudlay man pierdehon ang National Capital Region pero ang mga humalampang ang gina haylo sang gobernador nga mag perform sang maayo. Nangnin second ang Negros Occidental sa Iloilo sa bag-o lamang nagtakop nga WVRAA 2024.