Shadow

Mga naga parking sa bike lane ginsaway pero ang iban balik naman

HPG photo

Ginpangunahan kahapon sang Highway Patrol Group-Negros Occidental upod sang LTO, DPWH, BTAO kag TMU ang pag panghawan sa mga bike lanes sa Barangay Banago kag Bata nga sakop sang national highway.

Suno kay Police Captain Robbie Mariano, pamuno sang HPG sa probinsya, ila gin tutukan amo ang mga salakyan nga naga park sa bike lanes pati na mga nagapalanglapaw nga illegal structures bangud sa dapat ini ang para sa mga bikers suno kay Mariano.

Sila ang may nadakpan kahapon nga 113 ka mga violators nga naga parking ukon naga gamit sa dalan nga bahin na sang national highway.

Kaina liwat nga ginbalikan sang Digicast Negros ang highway sang Barangay Bata kag ini ang naabtan sang crew.

Ang bikelanes ang ginahimo nga parkingan sa gihapon sang mga truck, pribado nga mga salakyan, motorsiklo kag tricycle.

Gin usoy sang crew ang circumferential road kag sa wala kag tuo may mga naga parking nga mga salakyan sa bike lanes. Ini isa lang ka adlaw kasunod sa one time big time nga clearing operation.

Pero plano ni Mariano nga sigehon ang clearing operation agud mahawanan ang mga bike lanes.

Leave a Reply

Your email address will not be published. Required fields are marked *

Secured By miniOrangeSecured By miniOrange