Ginpaandaman ni Bacolod City Legal Office Head Atty. Joseph Karol Chiu ang masobra sa 40 ka mga baligyaan sa dalan Lopez Jaena nga ipasira ang ila negosyo kon maglapaw pa gid sila sa dalan.
Suno kay Chiu makapila na ka beses nga gin-clear sang CLO ang dalan apang nagabalik sa gihapon ang mga obstruction nga ginabutang sang mga nagabaligya sang furniture.
Ginpapanaugan sang Notice of Violation sang Bacolod City Permits and Licensing Office ang 40 ka mga baligyaan sa dalan Lopez Jaena matapos matukiban nga wala sila sang business permit.
Kalabanan sa mga na-isyuhan sang violation amo ang mga furniture shops nga nagalapaw na ang mga ila display sa sidewalk, rason nga gin-abisuhan sila sang City Legal Office nga kakason ini agud indi mangin sablag sa dalan.
Dugang pa ni Chiu, ila na ginpatawag ang punong barangay nga nagasakop sa amo nga dalan agud masiguro nga masunod ang guidelines sang siudad para sa mga nagabaligya.*
[sibwp_form id=1]