Shadow

Mga na rescue nga menor de edad sang army na missing

Duha ka semana na ang nagligad sang na rescue sang katapo sang 79th Infantry Battalion ang mga menor de edad nga naga pang edaron 16, 13, 10 kag 7 ka tuig sa Barangay Hilub-An sa banwa sang Calatrava.

May nag hatag sa army sang impormasyon nga gin abandon sang mga ginikanan nga katapo sang New Peoples Army ang apat gani ginkadtuan ini sang mga soldado.

Suno sa commanding officer sang 79th IB nga si Lt. Col J-Jay Javines, gin palab-ot nila sa lokal nga panguluhan sang Calatrava ang insidente kag gintagaan sang ayuda ang mga kabataan.

Pero bangud wala sang pasilidad ang Municipal Social Welfare and Development Office sang banwa, gin turn over ang kabataan sa foster parent nga maga sapupu sa ila.

Sang lunes ginpahibalo na lang kuno ang army nga na missing ang mga kabataan. Suno pa kay Javines, sa panaysayon sang foster parent, sang sabado pagbalik sang foster parent sa ila balay, wala na ang mga kabataan.

Mga taga Guihulngan City, Negros Oriental ang mga kabataan kag gina saylo saylo sang mga ginikanan nga nag upod sa hublag suno sa army.

Secured By miniOrangeSecured By miniOrange