Sa mando nga ginpapanaog ni Isabela Mayor Irene Montilla ang pagpaidalom sa lockdown sang munisipyo sa tatlo ka adlaw ang bangud sang pagsaka sang covid 19 cases sang banwa.
Suspendido ang trabaho sa munisipyo Mayo 31 tubtob Hunyo 2, tigaylo, ginpatuman ang work from home arrangement sa mga apektado nga talatapan.
May apat ka bag-o nga kaso sang Covid-19 ang Isabela kun sa diin duha diri empleyado sang LGU, isa ang gikan sa DepEd kag isa ang gikan sa COMELEC.
Samtang, padayon naman nga bukas ang pila ka mga talatapan nga naga lakip sa Municipal Health, LDRRM kag BFP.
Suno sa covid coordinator sang banwa nga si Lorenzo Gil Montilla 16 ang gin swab, dose diri ang mga close contact. Bwas gina paabot ang resulta sang ila swab test.
Sa banwa naman sang Toboso, nagmando si Mayor Richard Jaojoco, sang lockdown matapos magpositibo sa covid 19 ang municipal accountant.
Ini agud to maka patigayon sang contact tracing kag disinfection sa munisipyo. Suno sa alkalde may 20 tubtob 30 nga ginswab nga mga close contact. May isa man ka miembro sang pamilya sang municipal accountant ang nagpositibo sa virus.
Ang mga basic services sa banwa naga padayon suno kay Jaojoco. Temporaryo naman sya nga naga opisina sa gym.
“Ang last niya nga sulod di si Wednesday. Today we will be able to swab sang mga contact. Mga staff man niya. At least today kun mag gwa bwas then hopefully wala ma contact nga iban pa sa munisipyo,” suno kay Jaojoco.