5-11 year old sarang lang makabaton sang bakuna kun kaupod ang ila ginikanan ukon guardian sa mga vaccination center.
May dies mil na ka mga 5-11 year old ang naka-rehistro online para sa natalana nga pediatric vaccination sa Bacolod sa Pebrero 14.
Isa sa mga requirement ang birth certificate kag dapat yara ang ginikanan ukon guardian sang bata nga magabaton sang bakuna sa vaccination center.
Suno kay Dr. Chris Sorongon, deputy for medical data and analysis sang Bacolod Emergency Operations Center, ginapaabot nila nga sa madasun nga semana maga-abot ang supply sang Pfizer vaccines nga gintalana para sa 5-11 year old.
Gani ila naman paga-sugdan ang training sang mga vaccinators nga amo ang maga-administer sang bakuna para sa mga menor de edad.
Ang Bacolod ang may nubenta’y uno porsiento nga population protection pinaagi man sa mas ginpabaskog nga vaccination program, dugang diri ang ginlunsar nga vaccination program para sa booster dose sa botika.