Mga kunsomedor sang kuryente nga may illegal connection ginatagaan isa ka bulan nga amnesty program antes kakason ang ila mga linya sang Negros Power.
Sa Agosto 1 na ginapaabot sang Negros Power ang ila pag-operate sa franchise area sang Central Negros Electric Cooperative.
Ginsiling ni Negros Power President Roel Castro, indi malipod nga indi magnubo sa 6,000 ka mga electric consumers ang iligal nga naga-angut sang linya sang kuryente.
Gani magapatuman sila sang amnesty program agud tagaan kahigayunan ang mga yadtong iligal nga naga-tap pati na diri ang mga wala sang kaugalingon nga electric meter nga magproseso sang ila requirements.
Ang Negros Power ang nagtalana sang dugang 3,000 electric meters bilang pagpanghanda.
Dugang ni Castro, iga-waive sang Negros Power ang back pay pati na penalties agud lang legal nga makapatakod sang linya sang kuryente ang mga aplikante.