Shadow

Mga mapadulong sa Negros Occidental ipaidalom na liwat sa swab test

Pagbalik sa damlag pa protocol nga nagapatuman sang swabbing sa mga maga abot sa probinsya sang Negros Occidental sa airport man ukon sa seaport gikan sa Metro Manila kag Cebu ang ipatuman sandig sa Executive Order nga gin papanaog ni Governor Eugenio Jose Lacson.

Maga take effect ang EO Abril uno.

May pahanumdom naman ang gobernador karon nga ginasaulog ang semana santa.

318 sa karon ang active cases sang COVID 19 sa Negros Occidental sandig sa March 29 nga report sang Provincial Incident Management Team.

Nagdangat na ini sa 58 ka active cases sang nagligad nga bulan.

Ang positivity rate naman sa Teresita L. Jalandoni Provincial Hospital Molecular Laboratory gikan sa 3.08 percent karon 22.73 percent na.

Luyag sang gobernador nga mapangapinan ang probinsya gikan sa pagsaka sang kaso sang COVID 19, rason nga nag pa gwa siya sang executive order nga naga patuman sang uniform travel policy sa idalom sang NIATF Resolution 101 with revision.

Tigaylo sang negative RT PCR test result nga gina-require sa mga maga sulod sa probinsya gikan sagwa sang Western Visayas, sa EO ginmando ang liwat nga pagbalik sang daan nga protocol.

Ipaidalom sa swabbing ang yadtong maga abot sa airport man ukon sa seaport gikan sa Metro Manila kag Cebu.

Sila ang ipaidalom sa quarantine tubtob mag abot ang ila nga negative RT PCR test result.

Exempted naman sa mandatory swabbing ang mga Government authorized person outside residence ukon APOR pero dapat sila ang naka comply man sa mga requirement sang NIATF-EID.

Sa gihapon ginahaylo ang APOR nga boluntaryo magpaidalom sa swab, ilabi na nga base sa record madamo man sang APOR ang positibo sa virus.

Ang LGU lamang sarang maka sugat sa mga nag inabot kag company vehicle naman para sa APOR.
Suno sa gobernador, ipatuman sa gihapon ang gina require sang National IATF nga S-PASS permit kag staysafe.ph registration sa mga naga biyahe.

Damlag pa nag paandam na ang DILG sa mga LGU nga indi magsunod sa Resolution 101 ukon ang Uniform Travel Protocol.

Suno sa gobernador iga subject pa man sa review sang IATF ang EO.

“We will hear from them if they say we are violating, because we will be complying with the other provisions of 101. Like SPASS, stay safe. We will be abiding by that. If ever they do send a notice of non-conformity with the resolution from IATF then we will just reply. I also was informed by ACE, that there was a resolution passed, asking also to revert back to our old protocols”, suno kay Lacson.

Samtang, naga pahanumdom naman ang gobernador sa mga maga biyahe sini nga semana santa nga indi gid pagkalipatan ang pagsunod sa minimum health protocols. Pila sa mga resorts ang fully booked. Sa mga tumuluo naman abiso sang gobernador kun pwede man lang mag online sa mga misa ipakaamayo na lamang ini.

Ginapatuman man sang simabahan ang minimum health protocols pero pagkatapos sang misa indi malikawan ang pag istoryahanay kag pag tililipon.

“Inside the church fine. There is distancing. But it’s after the mass, people start going out there’s tendency for them to stay and mingle and talk. That’s where there is a concern”, suno kay Lacson.

Dapat nga maghatag sang kabalaka ang tanan sa sitwasyon karon suno sa gobernador.

Samtang may natalana naman nga dugang nga bakuna nga maga abot sa probinsya.

Leave a Reply

Your email address will not be published. Required fields are marked *

Secured By miniOrangeSecured By miniOrange