May siyam pa ka mga banwa kag siudad sa Negros Occidental sa karon ang wala pa naka bayad sa mga manunudlo nga nag serbe bilang electoral board sang nagligad nga Barangay kag Sangguniang Kabataan Elections.
Suno kay Elections Supervisor Ian Lee Ananoria, ang pag bayad sang honorarium sa mga manunudlo sa sulod pa man sang kinse diyas humalin sang ginpatigayon ang piniliay.
Nalakip sa wala pa maka release sang honorarium ang sa Victorias, Valladolid, Moises Padilla, Himamaylan, Candoni, Cauayan, Hinoba-an kag Bacolod City.
Ang La Castellana, as of press time, kun makahingabot maka release subong nga adlaw.
Paathag ni Ananoria, gina process na para sa siyam ka mga natungdan nga LGU ang releasing sang honorarium.
May mga election officers sa natungdan nga mga LGU ang wala sang bond ukon may unliquidated cash advances rason nga indi direkta nga mahatag sa election officer ang honorium sang mga nagserbe sa piniliay.
Tigaylo sa Assistant Regional Director na sang COMELEC gin paagi ang pondo.
Suno kay Ananoria, mahimo sini nga Miyerkules sila maka release sang honorarium.
May yadtong naka tigayon na release sang honorarium sang Oktubre 31 pa.