Katapo sang school community, mga manunudlo, staff kag estudyante ang nangin prayoridad sang on-site school vaccination pogram sang siudad sang bacolod sa St. John’s Institute kag Carlos Hilado Memorial State College sa Alijis.
Kabahin man sa mga nagpabakuna ang mga senior citizens.
Ini ang tikang sang city government upod sa emergency operation center agud mapadasig pa ang vaccination program kag mapangapinan ang pumuluyo batuk sa mas makalalaton nga Covid-19 Delta variant.
Si EOC executive director Em Ang ang liwat nga nagapanawagan sa pumuluyo nga magpabakuna na ilabi na karon nga naga-amat amat saka ang kaso sang covid 19 resulta sang pagsaka man sang Covid-19 related deaths.
Sa record sang EOC, nagalab-ot na sa 21 ang napatay tuga sang Covid-19 sa bulan sang Setyembre.
Ginahinyo man ni Mayor Evelio Leonardia ang kooperasyon san publiko kag ginhinyo ang bulig sang kapulisan para sa strikto nga pagpatuman sang minimum health standard protocol kabahin diri ang pagsuksok sang facemask, faceshield kag pagsunod sa social distancing.