Shadow

Mga manunudlo kag faculty sang NOHS nga wala mabakunahan ginpa work from home

Work from home tubtob marso kinse ang siyam ka mga manunudlo kag ang apat ka mga staff sang Negros Occidental High School.

Ang trese ka personnel nga unvaccinated ang napaslawan mag-pakita sang gina-require nga negative RT PCR test ukon rapid antigen test result gani wala sila ginpahanugutan magsulod sa buluthuan para sa on-site reporting kahapon.

Suno sa grade 7 adviser nga si Ruby Froilan, nalipay siya nga bisan paano nakahimu sang tikang ang pamunuan sang nohs nga makapadayon sila sa pagtrabaho bisan indi nila luyag magpabakuna sang Covid 19 vaccine.

Mismo ang school principal nga si Josette Terora ang nag-hinun-anun sa ila para makapadayon lang sila sa gihapon sa pagtrabaho.

Damlag pa, ang 13 ka mga personnel nga unvaccinated ang wala gintugutan ni terora nga makasulod sa NOHS bangud wala sila sang negtive RT-PCR test ukon rapid antigen test result nga gina-require base sa DepEd memorandum.

Gin suportahan naman sang pamunuan sang Department of Education Negros Occidental Division ang nangin tikang ni terora sa pag-pugong sa mga manunudlo nga makasulod sa buluthuan

Santo sa pagsulundan sang ahensya kag Inter Agency Task Force para sa mga unvaccinated individual.

Suno kay Ian Arnaez, spokesperson sang DepEd Negros Occidental Division, bangud wala pa man sang pat-ud nga pagsulundan may angut sa pag handle sang attendance record sang personnel nga unvaccinated

Nga indi maka submit sang required negative RT-PCR test ukon rapid antigen test result magapabilin ang polisa sang civil service commission angut sa pagpatuman sang alternative work arrangement.

Pero padayon nga nagapanawagan ang pamunuan sang DepEd sa mga manunudlo nga magpabakuna na agud man mapangapinan sila kag ang iban pa nga mga manunudlo ilabi na ang mga estudyante batuk sa Covid- 19.

Ini sa tion man nga magsugod na ang pagbalik sang face to face classes.

Secured By miniOrange