Mga bakante na lang nga mga pwesto ang nabilin sa Ramos Street sa kilid sang Burgos Public Market sa Bacolod City.
Kalabanan sa ila nagsinaylo na sa sulod sang merkado matapos matigayon nga ma raffle sa ila ang mga pwesto.
Ang mga structures na lang ang gulub-on sang siudad para tigayon na gid nga mahawanan ang dalan.
Sa sulod napuno na sang mga vendors ang mga bloke.
Ugaling ang indi ma agwantahan sang mga vendors ang ka init kag kapaang sa sulod sang merkado.
Wala na abi ang ventilation sa sulod sang merkado kay gintabunan na ang mga lulutsan sang hangin.
Subong nga tuman ka init sang panahon naga kahangawa ang mga manug baligya nga ang kainit indi maayo sa ikaayong lawas sang mga vendors nga kalabanan may edad na.
Pero wala naman sang nangin problema sa pagsaylo sa ila sa sulod sang mercado.