Mga mangunguma nga apektado sang mainit nga panahon natigayon nga nakabaligya sa BCGC sang ila mga produkto nga mas barato ang presyo. Nagkalalaya ang mga gintanom nga lettuce ni Hazel Pat tuga sang tuman ka init nga panahon.
Pero may nasalbar siya nga mga kararuton kag iban pa nga pananom nga iya natigayon nga nabaligya upod sa grupo sang Bacolod City Integrated Small Farmers Incorporated sa likod sang Bacolod City Government Center.
Ang putos sang uhong nga mabakal sa tag 100 pesos sa merkado ang ila ginabaligya sa tag 70 pesos.
Ang tray sang itlog P225 pesos, mas barato ikumparar sa tag 250 pasaka sa merkado.
Suno kay Hazel, paagi sa ginlunsar nga Kadiwa ng Pangulo mas barato ang ila mabaligya mga produkto nga wala na nagakinahanglan sang middleman.
Hinyo niya nga magluwas kuntani sa insurance sa ila mga pananum matagaan sila sang oportunidad kag dugang nga lugar nga matanyag ang ila mga produkto sa bumalakal.