Naga pahanumdom ang Provincial Veterinarian sa mga mangunguma nga handaan ang El Nino Phenomenon kag hatagan sang nagakaigo nga pag atipan ang kasapatan.
Suno kay Dr Placeda Lemana ipasiguro dapat nga ang mga gina kurong nga sapat ang ila na housing ang well ventilated.
Ang mga gina sagod nga kasapatan ibutang sa may yara sang masilungan.
Kun ini ang mga naga halab mas maayo nga sa mas temprano mahanda ukon maka preserve sang ila nga mga kalan-on.
Ipasiguro man nga dapat may nagakaigo nga tubig nga mainom kag ini ang dapat matinlo man.
Mas ma proteksyonan ang kasapatan gikan sa masakit dala sang mainit nga panahon kun naka bakuna suno kay Lemana.
Indi man malikawan nga ang El Nino maka apekto sa ikaayong lawas sang mga kasapatan kasubong sang pag niwang sini.
Sa mga manok ehemplo, kun ini ang naga pangitlog ang production ukon ang kadamuon sang gina itlog, pwede ma apektuhan.