Napulo ka mag-asawa, mag-utod, mag amay, mga mag parientehanay ang pila sa mga nagdalaog nga tandem sa pag ka mayor kag vice mayor sa probinsya.
Sa Kabankalan City re-electionist nga si Mayor Benjie Miranda ang nagdaog liwat.
Asawa niya nga manunudlo nga si Divina ang nagdaog bilang vice mayor.
Sa Hinigaran, nag daog bilang mayor si Mary Grace Arceo, bana nga si Mayor Nadie ang nag-daog bilang vice mayor.
Sa Moises Padilla, re-electionist Mayor Ella Garcia-Yulo ang nagdaog amo man ang iya bana nga si Felix Mathias bilang vice mayor.
Mag-utod naman ang nagdaog sa La Castellana.
Nagdaog si Councilor Añejo Nicor bilang mayor kag vice mayor naman si Mayor Rhummyla Nicor Mangilimutan.
Sa Sipalay City, re-elected sanday Mayor Gina Montilla Lizares kag utod nga si Vice Mayor Oscar Montilla.
Sa Cauayan, re-elected man ang mag-utod nga sanday Mayor John Rey Tabujara kag Vice Mayor Jing Tabujara-Soriano.
Sa banwa sang Ilog, gikan sa mag-utod, karon mag-amay ang nagdaog.
Re-elected si Mayor John Paul Alvarez kag nagda-og man ang iya nga bata nga si John Paulo.
Mag-amay man sa EB Magalona.
Nagdaog bilang mayor si Matthew Louis Malacon.
Anak siya ni Mayor Marvin Malacon nga nag-daog naman bilang vice mayor.
Sa Cadiz City, re-elected si Mayor Salvador Escalante, Jr nga unopposed.
Vice mayor naman ang iya hinablos nga si Vincent Escalante.
Sa Pulupandan, magpakaisa naman sanday Mayor Miguel Pena kag vice mayor Gerany Suatengco nga parehos re-elected.