Shadow

Mga maga inabot sa Negros Occidental ang iswab sa gihapon kag ipa quarantine

Capitol photo

Maga pabilin ang protocol sang probinsya apesar nga may bag-o nga travel guidelines nga gin pa gwa ang National Inter-Agency Task Force.

Suno kay Governor Eugenio Jose Lacson, sa mga magapadulong sa probinsya, sila sa gihapon ang ipa idalom sa swab test.

Sya ang naga panawagan sang kooperasyon sang tanan. Kun may yara man sang indi luyag mag sunod sini suno kay Lacson ma pwersa siya nga mag pa gwa sang executive order nga naga mando sang negative RT PCR test sa mga maga padulong sa Negros Occidental.

Nag pa gwa sang Resolution Number 101 ang National Inter-Agency Task Force for the Management of Emerging Infectious Disease nga naga hatag sang uniform travel protocols for land, air and sea travel.

Ang Western Visayas IATF ang nag hold in abeyance sa pagpatuman sini pending sang clarification sa kaundan. Yara a status quo karon ang travel protocols sa Region 6.

Suno kay Governor Lacson bisan gani ang League of Governors may panawagan man angut sa amo nga resolution.

Sa bag o nga travel guidelines nakasaad nga ang mga naga biyahe indi na kinahanglang mag paidalom sa quarantine magluwas na lamang kun nakitaan sya sang sintoma sang COVID-19.

Ang testing indi na mandatory magluwas na lamang kun ang LGU destination maga require sini.

Suno kay Lacson, importante nga mapabilin ang quarantine protocols sang probinsya agud malikawan ang posible liwat nga pagsaka sang kaso sang COVID-19.

Leave a Reply

Your email address will not be published. Required fields are marked *

Secured By miniOrangeSecured By miniOrange