Mangin prayoridad sang nag-abot nga bag-o nga batch sang Sinovac vaccine sa probinsya sang Negros Occidental ang mga LGU nga may madasig nga vaccine utilization.
Ginsiling ni Provincial Administrator Atty Rayfrando Diaz kahapon nga ang mga banwa kag siudad nga wala pa makapaubos sang bakuna nga damlag pa na-release sa ila, ukon may yara sang mahinay nga vaccine utilization ang indi makabatun sang bag-o nga supply sang bakuna.
Paathag ni Diaz ang probinsya ang nahatagan man sang Department of Health sang timeline ukon schedule bahin sa pag gamit ukon pag dapat sang Covid-19 vaccines.
Suno kay Diaz nakabaton sila sang feedback nga may mga indi pa kumbinsido sa bakuna. Gani na abisuhan na si Provincial Health Officer Dr Ernell Tumimbang nga manduan ang mga municipal kag city health officer nga ibalik sa probinsya ang wala magamit sa gihapon nga mga bakuna para ini ang mahatag sa mga banwa kag siudad sa labing naga abi-abi kag naga kinahanglan sini.
Dugang pa ni Diaz indi man sarang nga ipaiway ang higayon sa mga yadtong gusto magpabakuna.