Mga local government units malapit sa Bulkan Kanlaon ang naga panghanda na engkaso nga maglupok ang Bulkan Kanlaon.
Sa Bago City, naka handa na ang tanan engkaso nga maglupok ang Bulkan Kanlaon.
May mga foam, banig, trapal, tents mga balde kag tubigan na nga naka handa sa talatapan sang City Disaster Risk Reduction Management Office.
Ang CSWDO may mga family kits nga naga unod sang mga bayo kag underwear may hygiene kits nga naga unod sang mga habon, toothpaste, shampoo kag sanitary napkins.
May mga food packs man nga na plastar na nga daaan. May mga portalets pati na mga medical supplies.
Suno sa kay Dr. Merijene Ortizo pamuno sang drrmo bago, duha ka mga barangay ang ila gina lantaw nga direkta ma apektauhan kun mag lupok ang bulkan. Ini amo ang milum kag ilijan nga may masobra sa dose mil nga populasyon.
Sa La Castellana, ang Municipal Disaster Risk Reduction And Management Council sa pamuno ni Mayor Rhumyla Nicor Mangilimutan ang nag sapul man sang kahapon para istoryahan ang ila mangin
contingency plan engkaso mag lupok ang bulkan.
Sa report ng Phivolcs subong nga adlaw, may lima na lang ka mga volcanic quakes sa sulod sang bulkan sa sulod sang 24 oras nga monitoring. May pamamaga sa gihapon sa sulod sang bulkan kag wala sang aso nga naga gwa sa bulkan.
Suno sa Phivolcs mga sinyales ini sang posible nga phreatic eruption sa bulkan.
Ang phreatic eruption ang pagbuga sang steam sang bulkan.
Suno sa Phivolcs wala sang dapat na kakulbaan ang publiko kag dapat wala may naga sulod sa 4 kilometer permanent danger zone.
Indi man pwede maka lupad malapit sa crater ang ano man nga aircraft.