Mga tiglawas sang banwa kag siudad lakip na ila nga disaster teams ang nagtipon sa pag update sang ila nga contingency plan enkaso nga mag lupok ang bulkan Kanlaon.
Suno kay Irene Bel Plotena, pamuno sang Provincial Disaster Risk Reduction Management Office halos tanan nga mga LGU ang naka tambong magluwas laman sa pila ka banwa kag siudad sa sur nga apektado sang tuman nga pag bubo sang ulan.
Nagkalain-lain ang mga scenario sa paglupok sang bulkan, ayhan pyroclastic, lava flow ukon lahar flow kag dapat nga mahandaan ini.
Sa report sang PDRRMO, may 2,765 ka persona gikan sa La Castellana ang napaidalom sa pre-emptive evacuation kag ini sila ang sakop sang 6km danger zone.
Pero ginsiling man sang Office of the Civil Defense nga may napaidalom naman sa pre-emptive evacuation sa siudad sang La Carlota.
Ini sila ang sakop sang apat ka sitio sa Brgy Yubo.
Naka preposition na ang resources, personnel, goods kag iban pa bilang pag panghanda sa bulkan suno kay OCD head Raul Fernandez.
Kun may daku nga paglupok gina lantaw nila ang pag gamit sang Panaad bilang evacuation center.
Handa naman ang OCD sa pag extend sang assistance kinahanglan lang sang pormal nga komuniskasyon.