Maga hatag sang 100,000 pesos nga assistance ang gobyerno probinsyal para sa mga banwa kag siudad nga maga pakigbahin sa MassKara sa Panaad.
Suno kay Negros Occidental Governor Eugenio Jose Lacson, kaupod kay Bacolod Mayor Albee Benitez, sa ila nga pagsapol kahapon sa mga alkalde, 24 ang nagtambong, pero ila pa nga pat-uron kun pila gid ka mga LGU ang maga pakigbahin.
Ang mga pavilion ang naga kinahanglan sang repairs suno kay Lacson, labi na nga duha man ka tuig nga wala nagamit ini tuga sang pandemic.
Kada mag Panaad sa Negros Festival, P200,000 nga assistance ang gina hatag sang probinsya sa mga LGU.
Ang mga pag pakaayo karon ang makahingabot pa para sa MassKara sa Panaad nga maga dalagan Oktubre 10 – 16.
Ginkasugtan na nga sa kada adlaw may distrito nga maga sponsor para sa mga entertainment activities. Samtang, maga padayon ang repairs sa iban nga bahin sang Panaad Park.
Kun may luyag ang mga LGU nga ipa renovate sa ila naman tagsa ka pavilion pwede nga ipaisol anay ini bangud sang MassKara sa Panaad.