Pila sa mga function sang Land Transportation Franchising ang Regulatory Board ang iga devolve ukon iga hatag sa gobyerno probinsyal kag iban pa gid nga mga local government units.
Ini suno kay Negros Occidental Governor Eugenio Jose Lacson base man sa pagsinapol nila kaupod ang tiglawas sang LTFRB 6 nga si Ma Josette Abellar nga naga serbe OIC chief Transportation Development Officer sang LTFRB 6 kag Rochelle Mae Amar ang Focal Person sang Public Utility Vehicle Mordernization Program.
Suno kay Lacson, naga lakip ang devolution sang paghatag sang otoridad sa provincial government bahin sa pag grant sang mga franchise sa bag-o nga mga ruta sa public utility vehicles sa mga national highway sa probinsya.
Ang mga siudad naman ang maka tugda bahin sa mga bag-o nga franchise sa mga bag-o nga ruta sa ila nga mga area.
Mga 20 pa ka bulan kag ma tigayon ang lubos nga devolution.
Sa karon gina pahanda ang mga LGU angut sa amo nga mga function.