Shadow

Mga LGU booth sa masako na ang pagpanghanda para sa MassKara sa Panaad

YouTube player

Nagligad lang nga semana daw kalasangan ang laragway sang pila ka mga LGU booth sa Panaad Park and Stadium sa Barangay Mansilingan.

Pero karon may pila na ka mga trabahador ang masako sa ginahimu nga pag-repair kag pagpang limpyo sang mga booth.

Si Marivic Torreno sang Don Salvador Benedicto, mas ginaganahan sa iya pagpanilhig kay first time niya man sarang maexperiensyahan ang nagahilapit nga MassKara sa Panaad.

Nagsugod naman sa pagpaminta ang mga trabahador. Gani mas nagsanag man ang mga LGU booth kasubong sang sa Moises Padilla, Cauayan, Calatrava kag Sipalay City.

Si Edith Loregas sang banwa sang Hinobaan, may duha man ka tuig nga wala nakabaligya sa LGU booth. Nagalaum siya nga sa pagsugod sang MassKara sa Panaad humalin Oktubre 10, makabawi man sila sa epekto sang pandemic.

Kadungan sang pagpanghanda sang mga LGU booth nagapadayon man ang rehabilitation sang Panaad Park and Stadium. Nagpasalig na si Governor Eugenio Jose Lacson nga indi maapektuhan sang rehab project ang pagsaulog sang MassKara celebration sa Panaad.

Secured By miniOrangeSecured By miniOrange