May improvised bladed weapon, heater equipment, pointed steel bars kag improvised bats nga posible magamit bilang deadly weapon ang narekober sa sulod sang Negros Occidental District Jail-Male Dormitory sa Barangay Tabunan, syudad sang Bago, Negros Occidental.
Kapin pito ka oras nga gin-ukay kag gin-isa-isa check ang mga selda kag kagamitan sang mga persons deprived of liberty, Lunes nga adlaw, Setyembre 1.
Nagpatigayon sang greyhound operation ang Bureau of Jail Management and Penology-Negros Island Region sa pasilidad matapos makabaton sang intelligence reports kag verified nga impormasyon angut sa pila ka PDLs nga may yara sang indi utorisado nga pagkabutang sa sulod sang prisohan, kaangay sang smartphones.
Nag-ugyon man ang mga PDLs kag natapos ang search and confiscation nga wala sang may untoward incidents.
Suno sa BJMP, ginapatigayon ang greyhound agud na ma-intercept ang mga kontrabando kag malikawan nga gamiton ang mga ini sa ano man nga sahi sang kinagamo sa sulod sang detention facility.
[sibwp_form id=1]