Liwat nga gin sulod kahapon sang kapulisan ang balay nga gina tiniran sang lider sang Aki Cuadra robbery group pati na sang iya mga miyembro nga gin abduct Biyernes sang gab-i sa Villa Homes sa Barangay Vista Alegre sa Bacolod.
Suno kay Captain Elmer Bonilla, dala sang kapulisan ang mga blotter reports kun sa diin ang grupo amo ang gina tudlo may kahimuan sa pagpangawat.
Nakuha man mismo suno kay Bonilla sa sulod sang balay ang mga kinawatan nga pagkabutang kaangay sang mga sapatos, bag, tools, component kag iban pa.
May apat na ka mga nag claim nga mga tagreklamo suno kay Bonilla sa mga na recoveries sa balay ni Cuadra.
Samtang, padayon naman ang imbestigasyon sang PNP sa pagpatay kay aki kag sa iya tatlo pa ka upod nga gin abduct.
Blanko pa sa gihapon tubtub karon suno kay Bonilla ang PNP bangud sa wala man sang CCTV nga malapit sa area kag wala pa karon nakahatag sang pahayag ang pamilya sang mga napatay.