Bangud sang pila ka mga insidente sang kinawatay sadtong tinalikdan nga semana, pila ka mga residente sang Barangay San Miguel sa Murcia ang indi na makatulog sang pagbantay.
Kaina sang kaagahon, nagtinaghol ang mga ido kag naaktuhan sang mga pumuluyo kag naga-roving nga mga tanod ang duha ka mga lalaki nga hana kuntani mangawat sang battery gikan sa mga nagapundo nga truck sa higad sang dalan.
Narekober sa duha ka mga suspek ang pito tanan ka mga batteries sang truck.
Sakay sa tricycle ang duha ka mga lalaki nga residente sang Bacolod City.
Suno kay Police Major Sherwin Fernandez, hepe sang Murcia PNP, ginahanda na nila ang kaso nga theft batuk sa duha ka mga suspetsado.
Gin-detain sila sa custodial facility sang Murcia PNP.
“Previous months may ara man gid however minimal man lang pero that time siguro naging aktibo tungod sa series bala nga mga reports sa other towns and cities amo na nga naga-aktibo ang aton mga barangay officials kag BPATs nga magbantay sa ila mga lugar”, suno kay Fernandez.