Mga katapo sang Muslim community sa Bacolod ang nagtipon Biyernes sang aga sa pagsaulog sang Eid’l Adha ukon ang Feast of Sacrifice.
Sa Provincial Capitol Lagoon kag sa Bacolod City Government Center may pagtililipon ang mga katapo sang Muslim Community.
Ginakabig ang Eid’l Adha nga ika duha sa pinaka importante nga Muslim Festivals.
Nagatipon ang Muslim families sa pagkilala kag paghatag sang dungog sa devotion ni Prophet Ibrahim kay Allah nga may mga regalo kag selebrasyon.
Tanda man ini sang pagtapos sang Hajj pilgrimage sa Makka, Kingdom of Saudi Arabia, isa sa lima ka mga pillars sang Islam.
Gindeklarar nga holiday subong nga adlaw sa pungsod.
Si President Ferdinand Marcos, Jr., ang naga upod sa Filipino Muslim community sa pag dumdom sang isa sa pinaka sagrado nga selebrasyon sang Islam.
Kabay suno sa iya nga mangin makahulugan ang pagdumdom sang okasyon.