Katapo sang progresibo nga grupo ang nag patigayon sang aksyon protesta sa kilid sang Kapitolyo Probinsyal angut sa ila nga panawagan para sa tiempo muerto.
Bitbit ang mga placard kag tarpaulin, gin panawagan sang grupo sang Bayan Negros kag mga kaalyado nga organisasyon sini ang suporta para sa mga mamumugon ilabi na ang mga yara sa hacienda. Suno kay Berlita Ante sang Kadamay–Negros, sila ang nagpadulong sa Kapitolyo Probinsyal para ipalab-ot sa mga opisyales ang gutom kag kapigaduhon sang mga trabahante karon nga tiempo muerto kag nadugangan pa ang paglala sang sitwasyon bangud sang pandemya.
170 tubtob 180 pesos suno sa iya ang gina batun sang mga mamumugon. Dapat nga hatagan ini sang pagtamod.
Ang tuigan nga aksyon protesta sa kada tiempo muerto suno kay ante ang kabahin sang freedom of expression.
Nabaton sang probinsya ang ila nga sulat kag mga ginpadangat nga concern suno kay Provincial Administrator Rayfrando Diaz.
Dugang pa ni Diaz ginahatagan sila sang food assistance.