200 ka mga school-age nga kabataan sa Himamaylan City ang maga benepisyo sa nutrition program sa idalom sang Angat Bukas Program.
Suno kay Raffy Magno, ang Executive Director sang Angat Buhay program, ang Himamaylan ang pilot area nila sa probinsya kun sa diin ang 200 ka mga school-age nga kabataan nga mga undernourished ang ipadalom sa anum ka bulan nga feeding program sa tinutuyo nga mag balik ang ila ikaayong lawas.
Suno kay Magno ang Himamaylan ang yara sa top three sa probinsya nga may pinamakataas nga kaso sang wasted kag severely wasted nga kabataan.
Nagapanguna ang Bacolod kag naga sunod ang San Carlos City. Partner sa amo nga programa ang Philippine Business for Education, Philippine Business for Social Progress kag Negrense Volunteers for Change Foundation.
Suno kay Magno ang mga partners indi lamang ang naga bulig padalagan sang programa kundi naga hatag man sang resources.
Sa Himamaylan na lunsar naman ang mga community learning hubs nga nagatuyo man sabat sa literacy concerns sang mga kabataan nga apektuhan pa gid sang pandemic.
Ang convergence program ang gin present kay Negros Occidental Governor Eugenio Jose Lacson nga labing nag abi-abi sa amo nga tikang para sa mga kabataan.