Wala pa sang eksakto nga numero pero madamo ang mga job order workers sa Bacolod nga nag file sang certificate of candidacy para magpapili sa natalana nga Barangay kag Sangguniang Kabataan Elections 2023.
Suno kay City Administrator Atty. Pacifico Maghari, III, nag-request na sila sang listahan sa Commission on Elections sang mga nag-file sang COC sa Bacolod kag diri nila ibase kun bala pila ang mga JO sang Bacolod nga nag papili.
Suno kay Maghari indi pwede nga mag trabaho bilang JO ang kutob sa mga mapapili sa barangay kag Sanguniang Kabataang elections.
Kutob sa mga makumpirma nga nag file sang COC ang indi na pag i-renew ang kontrata sang siudad sini nga Setyembre kag indi na makapadayon sa pagtrabaho sa siudad.
Sang Sabado nga adlaw ang ulihi nga adlaw sa filing sang COC.