500 ang naka-avail sang tig 20 pesos nga kilo sang bugas gikan sa Bigasan ng Bayan nga ginpatigayon kaina sa Food Terminal Market.
Suno kay Pedro Limpangog ang presidente sang Federation of Irrigators Association Central Negros-Bago River Irrigation System 50 ka sako sa tig 50 ka kilo ang ila tigayon nga na baligya.
Mga Job Order workers sang Kapitolyo kag Contract of Service workers ang nag avail kasubong man ang gikan sa vulnerable sector kaangay sang mga indigent kag senior citizen.
Sa 500 nga nag bakal katunga diri mga JO kag COS kag ang katunga gikan sa vulnerable sector suno kay Limpangog.
Sa madason nga semana may patigayunon naman nga pag baligya pero wala pa mapat-od kun diin.
Kabahin ini sang programa sang probinsya sang Negros Occidental kag saang FIACN-BRIS angut man sa tinutuyo sang administrasyon Marcos nga maka baligya sang barato nga bugas sa mga pumuluyo.
[sibwp_form id=1]