Shadow

Mga jailguards nga napalagyuhan sang inmates sarang makasuhan

Mga bayo kag habol nga ginsugpon sugpon ang gingamit sang lima ka mga person deprived of liberty ukon PDL sa pagtaklas kag pagpalagyo sa sulod sang Negros Occidental District Jail sa siudad sang Bago sang Lunes sang kaagahon.

Suno kay Atty. Jairus Dojelio, spokesperson sang BJMP-6, ang mga on duty nga mga jail guards sang naka palagyo ang lima ang sarang mapasakaan sang kaso administratibo pati na ang jail warden

Bangud sang sini nga insidente nagpa gwa sang mandu ang pamunuan sang Bureau of Jail Management and Penology 6 nga temporaryo i-suspend bisan ang pagduhol sang pagkaon kag iban pa nga mga pagkabutang para sa mga pdl nga yara sa mga bjmp facility sa Western Visayas.

Mga bulong kag other essentials lamang ang sarang mapasulod sa mga pasilidad agud man mapangapinan ang mga pdl kag mga personnel sa posible paglaton sang Covid-19.

Kahapon natiruhan kag napatay ang isa sa mga pugante nga si Marvin Celeste sang gin alegar magbato sa mga operatiba sa Barangay Blumentritt sa banwa sang Murcia.

Nadakpan naman ang iya kaupod nga si Daniel Tamon nga may kaso nga murder kag tumandok sang Don Salvador Benedicto.

Yara siya karon sa isolation facility sang BJMP sa Barangay Handumanan.

Nagapadayon ang masupog nga manhunt operation sang BJMP upod sa kapulisan para madakpan ang tatlo pa ka mga pugante, nalakip diri si Francisco Epogon nga gina alegar katapo sang Epogon robbery group.

Samtang gindugang ni Dojelio nga wala pa matapos ang ginahimu nga pagpangusisa sa mga BJMP personnel nalakip na diri ang gin relieve nga jail warden nga si Jail Superintendent Precil Arevalo may angut sa natabo nga jailbreak sa NODJ.

Leave a Reply

Your email address will not be published. Required fields are marked *

Secured By miniOrangeSecured By miniOrange