May 37 ka mga pamilya gikan sa Cabagnaan sa La Castellana ang nag biya sa evacuation center nga wala sang pahanugot sang banwa.
Isa nga ginkilala kay Jerryku Uy Aldea ang nag upload sang video nga naga pakita sang pila ka mga pumuluyo sakay sa truck upod ang mga kagamitan.
Mabatian ang tingug sa uploaded video nga naga siling nga sila ang mga evacuees sang Cabagnaan nga gina alegar ginpabay-an kag makaluluoy bangud sang antos sa ulan kag init kag naga tulo nga tent.
Sila ang nag mato-mato na pauli suno sa pahayag sa video.
Ginsiling sang OCD nga sa report nga ila nabaton gikan sa Municipal Disaster Risk Reduction Managment Office, 37 ka pamilya ang nagbiya, ukon 100 ka mga persona.
Suno kay MDRRMO head John de Asis lakip diri mga kabataan, ang nagbiya gikan sa camp site nila sa Senior High sang La Castellana National High School.
Gikan ini sila sa La Castellana Elementary School nga kasunod sang pagbukas sang klase, sila ang ginsaylo.
Yara man ang camp manager sang amo nga tion suno kay de Asis pero may kabudlayan na sa pag pugong sa iban sa ila labi na nga may pila ka bulan naman sila nga naga tenir sa evacuation center.
Ginhimutig ni de Asis ang alegasyon nga naga tulo ang tents bangud water proof man ini.
“Ang gina lantaw man bala for safety reason man nga based sa recommendation. Sa pag monitor namon gina sa babaw indi na namon ma identify kay sa amo ni nga oras farming period na. Actually diri sila namon ginbutang sa covered court, and then sa covered court, ang tent nga ina water proof gid na siya”, suno kay De Asis.
Nagsapol na ang incident management team sa pag pamuno ni Mayor Añejo Nicor.
Gina panawagan sang IMT ang mga persona nga nagpatigayon sang meeting kag nag kumbinsi sa mga IDPs nga magpauli nga wala sang permiso.
Ang nagkuha sang video kag nag post sini sa social media ang gina pangayuan man sang written explanation ukon personal nga mag pakita sa IMT sa sulod sang 24 oras.
Para naman kay 5th District Congressman Dino Yulo nakapoy na ang mga evacuees, labi na nga wala sang klaro nga plano para sa ila sa ila nga mga palaabuton.
Plano ni Yulo sa pagbukas sang Kongreso, luyag niya mag hatag sang privilege speech agudto madala ang kahimtangan sang mga IDPs sa atensyon sang national government.
“They are physically tired, mentally disturbed, psychologically distressed and sexually deprived. There is no clear plan on what’s going to happen in the next 3 months, the next 6 months or the next year”, suno kay Yulo
Dugang pa niya, kun wala ang mga evacuees sang may nabaton nga klaro nga mensahe gikan sa otoridad, lakip na da siya, kay wala man sila makahibalo sang plano kay ang OCD man ang naga buhat sang mga polisa, maayo man nga maka pasaway gamay ang IDPs para tamdon man ang ila nga problema.