Mga internally displaced persons sa La Carlota ang maga baton sang financial assistance. Antes pa man sila mag pauli ipaidalom sila sa debriefing.
Sa Agosto 14 naka schedule ang decampment ukon pag pauli sang 61 ka mga displaced families, ukon 225 ka individuals sa Sitio Guintubdan sa Barangay Ara-al sa La Carlota.
Suno kay Angie Gelongo ang Social Welfare and Development Officer sang La Carlota City, may pre-decampment orientation lakip na debriefing patigayunon sa Aug 12 ukon 13. Ini ang kabahin sa ila nga social preparation.
Bwas, Sabado may igahatag nga kabahin sang shelter assistance sa mga IDP suno kay Gelongo.
Kalabanan sa mga balay sang natungdan nga IDP nagkalaguba ang mga atop.
Ang kabilugan nga 61 ka pamilya maga baton sang assistance para sa ila mga nag kalaguba nga balay.
Magluwas sa bulig sang LGU may bulig man sila nga batunon sa DSWD paaagi sa congressional office nga gina hikot pa sa karon.
“Kalabanan sa guba sa ila nga balay, roofing, sa atop nila. Pero ang intervention naman ni LGU, sa Saturday, bale bwas, part sang shelter assistance may i-provide si LGU nga cash assistance para sa tanan nga affected households sa Brgy Ara-al”, suno kay Gelongo.