Ginsiling ni Bacolod City Councilor Jason Villarosa nga may pila na ka mga hotels sa Bacolod City ang nagpahayag nga fully booked na sila para sa tatlo ka adlaw nga highlights sang MassKara Festival.
Ini ang sa pihak sang ila pagpasaka sang ila nga mga rates sa tion sang selebrasyon.
Dugang sang konsehal, ginapaabot nga magdagsa ang mga festival goers sumugod sini nga adlaw nga magasugod na ang 10 day highlights.
Sandig sa iya nga assessment, madamo sa gihapon sang nagakadto sa plaza kag BCGC kun gab-i.
Sini nga gab-i, magasugod na ang mga dalagko nga events sang MassKara kag sa BCGC, magaperform ang banda nga Silent Sanctuary.
Samtang sa Bacolod City Public Plaza naman pagahiwaton sini nga gab-i ang Choreographers Faceoff, kun sa diin magapaindis-indis ang mga choreographers sang tagsa ka contingents.
“Yes, so far very overwhelming gid kagapon, nagkadto kita sa Bacolod City Plaza and that includes the Araneta Street na kung sa diin may ara kita dira sang night market. Actually I was quite surprised nga grabe, though given it’s a Thursday, it’s a weekday but still ang tawo didto was overwhelming”, suno kay Villarosa.
[sibwp_form id=1]