Ginakabig high value individual dakop sa ginpatigayon nga drug buy-bust operation sa Kabankalan City. Arestado sa ginpatigayon nga drug buy-bust operation sang Kabankalan City Police Station ang duha ka mga persona kahapon nga adlaw sang Martes, Agusto 29, las 9:15 sang gab-i sa isa ka pension house sa Brgy.
Ang mga suspetsado ang gin kilala kanday Mark Anthony Peñaranda, 39 anyos sang Purok Uhaw Barangay 4, Kabankalan City, kag Christian Jay Sales alyas “Nonoy”, 40 anyos, sang Purok Malinong, Barangay Binicuil sa Kabankalan.
Sa impormasyon nga ginpalab-ot sang Kabankalan City Police Station, nakuha sa mga nagkaladakpan ang 15 tanan ka heat -sealed transparent plastic sachet nga may unod sang ginapatihan shabu nga amo ang buy-bust item, tatlo ka improvised glass tooter, kag lima ka 100 peso bill nga amo ang buy-bust money.
Ginabulubanta nagabug-at sang 12 gramos ang ginapatihan shabu nga may yara sang Standard Drug price nga Php 81,600.00 pesos.
Yara na karon sa kustodiya sang Kabankalan City Police Station ang mga suspetsado.