Shadow

Mga health care workers sa Bacolod gintagaan na sang second dose sang Sinovac vaccine

Bacolod PIO photo

27 ka mga doktor kag isa ka nurse ang ginbakunahan na sang ikaduha nga dose sang Sinovac vaccine sa Bacolod City Government Center lobby sini nga hapon.

Sila ang nadapatan sang ila una nga dose sang bakuna sang nagligad nga Marso singko kag siete.

Suno sa mga eksperto, ang normal interval para mabakunahan ang isa ka persona sang ikaduha nga dose ang 28 tubtub 42 ka adlaw.

Ang ikaduha nga dose ang booster shot nga bakuna para mas mahatagan sang mas mataas kag malawig nga immunity ang isa ka persona batuk sa COVID-19.

Base sa record sang DOH Region 6, ang Bacolod City ang may yara karon nga 77.60 percent nga consumption rate sa pagbakuna sini sa mga health care workers.

Ginpahayag naman ni Dr. Mary Jane Roches Juanico nga infectious disease cluster head sang DOH regional office nga may igapanagtag nga Sinovac vaccine sa Bacolod City nga 1,000 doses kag 2,600 doses naman para sa Negros Occidental.

Secured By miniOrangeSecured By miniOrange