Shadow

Mga guests sa isa ka vacation home gin rescue matapos matiphag ang duta sa ila nga alagyan

Bangud sang sige sige nga pagbunok sang ulan dala sang bagyo nga maring kag hangin habagat, may parte sang Purok Kulasi sa Barangay Kumaliskis sa Don Salvador Benedicto nga natiphag ang duta.

Sa report sang Municipal Risk Reduction Management, mga las sais y medya sang aga kahapon sang wala na maka tabok ang 9 ka staff sang balay sa busay kag napulo ka mga guests bangud sang natiphag nga duta.

Sa area sang Kurvada Cafe. Sa amo nga cafe ang alagyan sang mga naga padulong sa balakasyonan nga balay.

Nag padala na lang sila sang mensahe sa official Faceook page sang banwa para ma rescue.

Wala sang may nasamaran sa amo nga insidente kag gilayon man nga na rescue ang desi nuebe tanan ka mga persona.

Subong nga hapon nagpa gwa sang advisory ang lgu para sa temporary closure sang amo nga mga commercial establishments.

Pero antes sini nag desisyon ang management sang amo nga mga establishments nga mag sira anay.

Sa latest weather bulletin sang pag asa naka gwa na sa Philippine Area of Responsibility si Maring.

May storm signal sa pila ka mga areas sa luzon pero wala may nadala nga probinsya sa visayas. Hangin
Nga habagat ang naga dala sang ulan sa Visayas.

Leave a Reply

Your email address will not be published. Required fields are marked *

Secured By miniOrangeSecured By miniOrange