DepEd ang naga pahanumdom sa mga ginikanan sa tunga sang gina patuman karon nga asynchronous/distance learning nga I-monitor ang mga kabataan labi na ang compliance sini sa mga gina-require sang klase.
Tuga sang mainit nga panahon sa karon, indi malikawan ang pag shift gikan sa face to face ukon in-person classes pakadto sa asynchronous ukon distance learning.
Suno kay DepEd – Negros Occidental Spokesperson, Ian Arnold Arnaez, gina patuman man ang alternative modes of learning, may gina patuman nga assessment sa mga kabataan para mapat-od kun bala may natun-an sila.
Ini sa tunga man sang observation nga ginpadangat nga may makit-an nga pag lagaw sang mga kabataan sa tion nga kada mag suspend sang face to face classes.
Suno kay Arnaez, gina pahanumdom man nila ang ginikanan nga buligan ang kabataan labi na sa compliance sang mga assignments kag projects sini bangud may responsibilidad man ang ginikanan sa pag monitor sa mga kabataan.
“Amo na ang masubo kay gina lantaw nila nga daw bakasyon. Pero sa mga bata ya kinahanglanon gid nlia seryosohon. Pero lalo pa gid sa mga parents seryosohon nila ang pag monitor sa mga kabataan nila, kay in the absence of the teacher in distance learning it is the parent’s responsibility gid ya to follow-up and monitor the studies of their children”, suno kay Arnaez.